Tag Archives: عتم

حلم

4 يونيو

سهران والدنيا عتم

انطر حلم

بس الغفى

خاصم عيوني واختفى

مديت ايدي امسك خيالات

صارت بعيدة حملتا النسمات

أبعد عن عيوني من حدود النجم

ما ضل عندي

من حبيبي اللي مضى

والهجر للقلب ارتضى

إلا الحلم يجمع قلوب تفرقت

وشفاف حمرة من عطشها تشققت

يرجّع شي لحظة

من العمر ياللي انقضى

بالموقدة مات الجمر

متل العمر

لما انسرق ناطر تيمرق طيفها

والليل ع غفلة انتهى

مو متل ما القلب اشتهى

حتى الليالي بتنتهي

لما الفجر

يحضر غدر

ويدبل على جفوني الزهر

Advertisements

أيلول العمر

9 سبتمبر

أيلول

كنا على وجه القمر

نرسم صور

صورة قلب لما انجرح

جرحه انفتح

ينزف مطر

نرافق سوا ومضة نجم

شق العتم

يحلا السهر

لما اجت ريح بنزق

هرّت ورق

وقت السفر

أيلول يا خيبة رجا

لما إجا

دبل العمر

كسّر جنح طير الأمل

حلم انقتل

ضاع اندثر

أبجدية القصيدة

25 مايو

قادم مع الفجر

يقود الخطو وهمي نحو الندىMelancholy_of_the_Butterfly

والحلم زهر تفتح على حدود الضياء

وعرة طريقي حيث تخونني التضاريس

تظلمني السماء حين احتفاظها بالعتم يقود المجهول

نائمة هي الأشجار في هذا الليل الموحش

أهز الجزع أن يساقط لي أملا

تتكسر الأغصان على خصري ولا ثمر إقرأ المزيد