Tag Archives: شوق

شم ولا تدوق

16 أغسطس

غواية

حاجي بقى بالزهر تلوحي قبالي … تعب القلب يا زهر وانضنى حالي

قالت إذا بتشم عمرك ما بتدوق … ما رح تنول العطر الـ بالصدر غالي

عم تفرحي بالجمر المتوهج من الشوق … بيحلى القمر كل ما بدا عالي

والمي كل ما قربت مرة تروق … بيرمي جمالك حجر بيحرك وصالي

متل الـ بآخر عمر عم ينفخ ببوق … يعلن قيامة فجر يمحيها الليالي

لا تبقي بليلي متل رهجات البروق … لمحة إذا بتمر آخرتا الرحيل

ضلي بقلبي نور عم يسكن ببالي