أرشيف | شعر محكي RSS feed for this section

حلم

4 يونيو

سهران والدنيا عتم

انطر حلم

بس الغفى

خاصم عيوني واختفى

مديت ايدي امسك خيالات

صارت بعيدة حملتا النسمات

أبعد عن عيوني من حدود النجم

ما ضل عندي

من حبيبي اللي مضى

والهجر للقلب ارتضى

إلا الحلم يجمع قلوب تفرقت

وشفاف حمرة من عطشها تشققت

يرجّع شي لحظة

من العمر ياللي انقضى

بالموقدة مات الجمر

متل العمر

لما انسرق ناطر تيمرق طيفها

والليل ع غفلة انتهى

مو متل ما القلب اشتهى

حتى الليالي بتنتهي

لما الفجر

يحضر غدر

ويدبل على جفوني الزهر

أيلول العمر

9 سبتمبر

أيلول

كنا على وجه القمر

نرسم صور

صورة قلب لما انجرح

جرحه انفتح

ينزف مطر

نرافق سوا ومضة نجم

شق العتم

يحلا السهر

لما اجت ريح بنزق

هرّت ورق

وقت السفر

أيلول يا خيبة رجا

لما إجا

دبل العمر

كسّر جنح طير الأمل

حلم انقتل

ضاع اندثر

شم ولا تدوق

16 أغسطس

غواية

حاجي بقى بالزهر تلوحي قبالي … تعب القلب يا زهر وانضنى حالي

قالت إذا بتشم عمرك ما بتدوق … ما رح تنول العطر الـ بالصدر غالي

عم تفرحي بالجمر المتوهج من الشوق … بيحلى القمر كل ما بدا عالي

والمي كل ما قربت مرة تروق … بيرمي جمالك حجر بيحرك وصالي

متل الـ بآخر عمر عم ينفخ ببوق … يعلن قيامة فجر يمحيها الليالي

لا تبقي بليلي متل رهجات البروق … لمحة إذا بتمر آخرتا الرحيل

ضلي بقلبي نور عم يسكن ببالي

أخت الشمس

23 يوليو

الشمس المسا بتروح تغفى حدها …… وعند الصبح صوب السما بتردها

من صدرها بتجيب موجات الدفى……. والنور منها بتحملو مـن خدهـا

بتعطي الفرح للعمر وبتعطي غفى…….. برد وأرق يبقى العمر لـو بدهـا إقرأ المزيد

شذرات عامية

4 يوليو
روحي لغيري
صرت ع حدود المسا
روحي شمس ع صبح
يتحمل أسى
يكفي دلع وجنون
صعبة ينتسى
بدي حضن دفيان
مش طفلة
بليلا أحرسا إقرأ المزيد

فوق الصدر

30 يونيو

 000g051I-bV

قالت تعى رح نفذ اليوم الوعد

تحت القميص سلاح يردي عن بعد

حطيت شفاتي على وراق الورد

ونزلت وسط النار والدنيي برد

ما بتعرفي كيف احترق قلبي وجمد

ع جبال متل الطور وسهولا نجد

لما طلعت لفوق لأقطف مجد

من بعدها لو موت شو رح انسعد

بيصير صدرك للقلب أدفا لحد إقرأ المزيد